4 декабрь, Йәкшәмбе

09 май 2011 йыл, 9:02

Рәсәй Президенты Дмитрий Медведев республика Президенты Рөстәм Хәмитовты Еңеү көнө менән ҡотланы

автор: "Башинформ"

Рәсәй Федерацияһы Президенты Дмитрий Медведев Башҡортостан Республикаһы Президенты Рөстәм Хәмитовты Еңеү көнө менән ҡотланы. Дәүләт башлығының ҡотлауында былай тиелә:

          «Хөрмәтле Рөстәм Зәки улы!

Һеҙҙе Бөйөк Еңеүҙең 66 йыллығы менән ҡотлайым! Фашизмды ҡыйратып, атайҙарыбыҙ һәм олатайҙарыбыҙ буласаҡ быуындарға тыныслыҡ, балаларға ғүмер биреү һәм үҫтереү, ижад итеү һәм ирекле үҫеү мөмкинлеген бүләк итте.

Бөйөк Ватан һуғышы хаҡындағы иҫтәлек – изге. Нисә йыл үтһә лә, еңеүселәрҙең ҡаһарманлығы һәр ваҡыт халҡыбыҙҙың рух көсө, батырлығы һәм ватансылығы өлгөһө буласаҡ.

Һеҙгә һаулыҡ, уңыштар һәм иң изге теләктәремде еткерәм

           Д.Медведев».

темалар: Еңеү көнө