6 декабрь, Шишәмбе

06 май 2011 йыл, 16:00

18 майҙа «Салауат Юлаев» үҙенең «алтын» триумфын билдәләйәсәк

автор: Дмитрий Слезин

18 майҙа «Өфө-Арена»ла 2010-2011 миҙгелдә Гагарин Кубогына эйә булған  «Салауат Юлаев» командаһын Рәсәй асыҡ чемпионатының алтын миҙалдары менән бүләкләү тантанаһы үтәсәк. Был хаҡта хоккей клубының матбуғат хеҙмәте хәбәр итә.  

Кисәнең программаһында: алтын миҙалдар тапшырыу, миҙгелдәге иң яҡшы уйынсыларҙы наградлау, популяр эстрада йырсыларының сығышы. Тантана 18 сәғәт 30 минутта башлана. «Өфө-Арена»ла байрам саралары 21 сәғәткә тиклем дауам итәсәк, бынан һуң команда яулаған Гагарин Кубогы менән Ленин майҙанына юлланасаҡ, унда 19 сәғәттә концерт программаһы башланырға тейеш. Тантана 23 сәғәт 30 минутта байрам салюты менән тамамланасаҡ.

«Өфө-Арена»ға бүләкләү тантанаһына билеттар аренаның үҙенең кассаларына 6 майҙан һатыуға сығарылды.