8 декабрь, Кесе йома

04 май 2011 йыл, 17:33

Башҡортостанда сыуаш һылыуҡайын һайланылар

автор: Евгений Рәхимҡолов

Башҡортостандың Бишбүләк районында «Сыуаш һылыуҡайы — 2011» республика конкурсы үтте. Финалда республиканың алты районынан туғыҙ ҡыҙ ҡатнашты.  

Конкурсанттар халыҡ йырҙарын башҡарыуҙа, үҙ ҡулдары менән бирнәһен әҙерләүҙә, милли сыуаш костюмарын күрһәтеүҙә ярышты.

Конкурс тарихында беренсе тапҡыр этнографик ярыштар ҙа индерелде. Ҡыҙҙарға мал ҡыуыу, балаларға күҙ тейеүен бөтөрөү, икмәк бешереү, XVIII быуаттағы сыуаш костюмында бейеү һәм башҡа халыҡ йолаларын күрһәтергә тура килде.  

Конкурс жюрийына сыуаш ижади коллективтары, республика һәм район сыуаш мәҙәниәте йәмғиәттәре етәкселәре, юғары уҡыу йорттары уҡытыусылары инде.  Конкурста Бишбүләк районы Киҫтәнле-Ивановка ауылынан 10 класс уҡыусыһы  Наталья Павлова еңде. Ул «Сыуаш һылыуҡайы-2011» титулын алды.