9 декабрь, Йома

03 май 2011 йыл, 14:16

БР Ер һәм мөлкәт мөнәсәбәттәре министрлығы республика ҡаҙнаһын 2,4 млрд һумға тулыландырған

автор: Рәсүл Хәмиҙуллин

Ағымдағы йылдың беренсе кварталында хосусилаштырыу һәм милекте файҙаланыуҙан Башҡортостан бюджетына 2,4 миллиард һум аҡса килгән. Был хаҡта Башҡортостан Республикаһы Ер һәм мөлкәт мөнәсәбәттәре министрлығының матбуғат хеҙмәтенән хәбәр иттеләр.

Дәүләт милке менән файҙаланыуҙан килгән дөйөм сумманан 2,3 миллиард һум алынған. Был средстволар ҡуртымға түләүҙән, дивиденттар һәм дәүләт унитар предприятиелары килеменең бер өлөшөн күсереүҙән алынған. Дәүләт милкен, акциялар пакетын һәм ер участкаларын һатыуҙан 114,7 миллион һум табыш килгән.

Уҙған йылдың ошо уҡ осоро менән сағыштырғанда алынған дивиденттар күләме  1,7 тапҡырға артҡан. 2011 йылдың беренсе кварталына Башҡортостан Республикаһы ҡаҙнаһына аҡса күсереү планы 3,3 тапҡырға арттырып үтәлгән.