3 декабрь, Шәмбе

03 май 2011 йыл, 13:00

Туймазыла инвалид балаларҙы скайп аша уҡыталар

автор: Евгений Рәхимҡолов | фото: Андрей Старостин

Туймазылағы 1-се мәктәп-интернат базаһында инвалид балаларҙы Skype аша уҡытыу юлға һалынған, был мәктәптә 30 апрелдә Башҡортостан Президенты Рөстәм Хәмитов булып китте. Былтыр учреждение бинаһына реконструкция  үткәрелгән. Бөгөн мәктәптә Туймазы районынан 300 бала уҡый. Учреждение ике йүнәлештә махсуслашҡан: һәләтле балалар һәм спортсылар. Район хакимиәте бында олимпия резервы мәктәбен асырға планлаштыра.

Бынан тыш, мәктәп-интернатта республиканың туғыҙ көнбайыш райондарынан 33 инвалид бала ситтән тороп белем ала (Туймазы, Благовар, Шаран һәм башҡа райондар). Алгебра, геометрия һәм рус теленән башҡа бөтөн фәндәрҙән дә дистанцион дәрестәр үткәрелә. Балаларға интернетҡа тоташтырылған компьютер бушлай бирелә. Шулай уҡ һәр балаға индивидуаль рәүештә дәрестәр программаһы төҙөлә.