9 декабрь, Йома

27 апрель 2011 йыл, 17:35

Беренсе кварталда 70 миллиондан ашыу Өфө халҡы ҡала транспортынан файҙаланған

автор: Галина Бахшиева

Өфөлә быйылғы йылдың тәүге өс айында ҡалалағы пассажир транспортының бөтә төрө менән 71,5 миллион пассажир ташылған. Шуларҙың 59 миллиондан ашыуы автомобиль транспорты хеҙмәтенән файҙаланыуға өҫтөнлөк биргән һәм ни бары 12,5 миллионы трамвай менән троллейбусты һайлаған.

Өфө хакимиәтенән хәбәр итеүҙәренсә, Өфө халҡын автотранспорт хеҙмәттәре менән тәьмин итеүҙә маршрут таксилары элеккесә беренсе урында килә. Улар йыл башынан алып 45 миллион пассажир ташыған. Был автобустарҙа пассажир ташыуҙың дөйөм күләменән 76 процент.