10 декабрь, Шәмбе

26 апрель 2011 йыл, 17:01

15 район эшсәндәре сәсеүҙе башланы

автор: Ғәлиә Нәбиева

Башҡортостандың 15 районы ауыл хужалығы предприятиелары яҙғы сәсеүҙе башланы. БР Ауыл хужалығы министрлығының матбуғат хеҙмәте мәғлүмәте буйынса, Әлшәй, Баҡалы, Благовар, Бүздәк, Ғафури, Дәүләкән, Дүртөйлө, Илеш, Ҡырмыҫҡалы, Мәләүез, Миәкә, Стәрлетамаҡ, Өфө, Саҡмағош һәм Шишмә райондары эшсәндәре тәүгеләрҙән булып сәсеү агрегаттарын баҫыуға сығарҙы.

Саҡмағош районында тупраҡ тигеҙ өлгөрә. Бында игенселәр 2,7 мең гектар майҙанда сәсеү үткәргән. Яҙғы сәсеүҙе районда йәмғеһе 62,2 мең гектарҙа үткәреү ҡаралған. Иген һәм ҡуҙаҡлы иген культураларына 37,4 мең гектар бүленгән, шуларҙың 2,6 меңе (7%) сәселгән. Әлегә район 2011 йылғы сәсеүҙә алдынғы урында тора.