Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.28

EUR 69.64

11 декабрь, Дүшәмбе

Уфа   °

Башҡортостандың маршрут автобусы халыҡ-ара автофестивалдә иң яҡшыһы тип танылды

Иҡтисад

15 метрлыҡ НефАЗ-52998 ҡала автобусы 20-22 апрелдә Коломнала үткән «Автобустар донъяһы – 2011» IV халыҡ-ара автотранспорт фестивалендә иң яҡшыһы тип табылған. Был модель «Иң яҡшы маршрут автобусы» номинацияһында еңгән.  

«Нефтекама автозаводы» асыҡ акционерҙар йәмғиәтенән хәбәр итеүҙәренсә, Башҡортостан экспозицияһы составында өс автобус була: VDL шассиһында НефАЗ-52999 турист автобусы, шулай уҡ VDL шассиһында өс күсәрле НефАЗ-52998 ҡала автобусы һәм НефАЗ-5299-11-33 ҡала яны автобусы. Был фестивалдә нефтекамалар беренсе тапҡыр ҡатнаша, һәм дебют ярайһы уңышлы булып сыға.

Ҡалған ике номинацияла бар донъяға билдәле брендтар — Setra турист автобусы һәм Mercedes-Benz микроавтобусы еңә.

Белгестәр фекеренсә, «Автобустар донъяһы» үҙебеҙҙең илдәге пассажир автобустары һәм компоненттары етештереүселәре өсөн дә, Европа компаниялары өсөн дә төп форумға әүерелә. Күргәҙмәлә донъяның 20 иленән йөҙҙән ашыу экспонент ҡатнашҡан. Бында Mercedes-Benz, Setra, Scania, MAN, Volkswagen, Ford, Iveco, Peugeot, EvoBus, Neoplan, Hyundai, Yutong, Higer, Solaris һәм башҡа донъялағы алдынғы етештереүселәрҙең автобустарының киң моделдәр рәте күрһәтелгән.

Яндекс цитирования
Рейтинг ресурсов "УралWeb"
закрыть