9 декабрь, Йома

19 апрель 2011 йыл, 12:23

Йәштәр театры Төркиәгә халыҡ-ара балалар фестиваленә бара

автор: Әлфиә Әһлиуллина

Башҡортостандың Мостай Кәрим исемендәге Милли йәштәр театры «Little Ladies Little Gentlemen International Gildren`s» халыҡ-ара балалар театр фестиваленә бара. Ул 23-27 апрелдә Төркиәнең Анкара ҡалаһында үтәсәк.

«Башинформ» агентлығына Милли йәштәр театрының матбуғат хеҙмәтенән хәбәр итеүҙәренсә, был фестиваль Төркиәнең баш ҡалаһында етенсе тапҡыр ойошторола һәм театр йәмәғәтселегендә ҙур ҡыҙыҡһыныу уята.  

Башҡортостан «Little Ladies Little Gentlemen International Gildren`s» фестивалендә беренсегә ҡатнаша. Конкурс программаһында Йәштәр театры башҡорт халыҡ әкиәттәре буйынса әҙерләнгән «Алтын балта» спектаклен күрһәтәсәк. Сәхнәгә ҡуйыусы режиссеры Илнур Муллабаев.