3 декабрь, Шәмбе

18 апрель 2011 йыл, 17:10

Рәсәй 2020 йылға донъяның алдынғы биш иҡтисады иҫәбенә инәсәк

автор: Евгений Рәхимҡолов

Рәсәй иҡтисады 2020 йылға донъяның алдынғы биш иҡтисады иҫәбенә инергә тейеш, тип белдерҙе Өфөлә Башҡортостан ҡала һәм райондары хакимиәт башлыҡтары семинарында БР Дәүләт Йыйылышы – Ҡоролтай Рәйесе Константин Толкачев.

Уның һүҙҙәренсә, «Берҙәм Рәсәй» партияһының ҡала үҫеше буйынса стратегик программалары, шул иҫәптән «Стратегия 2020» кеүек күләмле программаһы ла, ошондай прогноз яһарға мөмкинлек бирә.

— Бөгөнгө көндә беҙҙең иҡтисад, төрлө иҫәпләүҙәр буйынса, донъяла 10 – 12-се урында килә, — тине Константин Толкачев. — Был, әлбиттә, Рәсәй биләргә тейешле урын түгел.