4 декабрь, Йәкшәмбе

18 апрель 2011 йыл, 16:04

Башҡортостанда өс айҙа 2,7 мең фатир сафҡа индерелгән

автор: Рәсүл Хәмиҙуллин

Башҡортостан биләмәһендә ағымдағы йылдың ғинуар-мартында дөйөм майҙаны 276,5 мең квадрат метрлыҡ 2,7 мең фатир сафҡа индерелгән. Башҡортостанстат мәғлүмәте буйынса, был күрһәткес уҙған йылдың ошо уҡ осорона ҡарата 7,5 процентҡа юғарыраҡ. Республика халҡының бер мең кешеһенә иҫәптә 68 квадрат метр торлаҡ майҙаны файҙаланыуға тапшырылған.

Шәхси төҙөүселәр менән дөйөм майҙаны 257,2 мең квадрат метрлыҡ 2,4 мең шәхси йорт төҙөлгән. Шәхси торлаҡ йорттар өлөшө дөйөм сафҡа индерелгән торлаҡтың 93 процентын тәшкил иткән.