5 декабрь, Дүшәмбе

13 апрель 2011 йыл, 12:28

Өфөлә йылға буйында терегөмөш табылған

автор: Ольга Мортазина

Башҡортостандың баш ҡалаһында хәүефле табыш тураһында билдәле булды. Калинин районында Ҡариҙел йылғаһы буйына ял итергә сыҡҡан кешеләр ерҙә тиҫтәләгән ярыҡ термометрҙар таба. Улар кисекмәҫтән был хаҡта эске эштәр органдарына хәбәр итә.

Хәлде асыҡлау өсөн килгән ҡотҡарыусылар градусниктарҙың терегөмөшлө булыуын билдәләй. Ергә аҡҡан ағыулы металды улар һаҡлыҡ менән йыйып ала. Әлеге ваҡытта был хәл ентекле тикшерелә. Полиция хәүефле приборҙарҙы ошо рәүешле юҡ итеүгә ҡатнашлығы булған кешеләрҙе эҙләй, тип хәбәр иттеләр БР буйынса Эске эштәр министрлығының матбуғат хеҙмәтенән.