Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 60.00 ↑

EUR 66.79 ↓

22 июнь, Кесе йома

Уфа   °

Рөстәм Хәмитов «Сен-Гобен» концерны вәкилдәре менән осрашты

Иҡтисад

Башҡортостан Президенты Рөстәм Хәмитов «Сен-Гобен» концернының БДБ буйынса президенты Тьери Фурньер менән протокол осрашыуын үткәрҙе.

— Республика башлығын предприятиебыҙ менән таныштырыу визитыбыҙҙың төп маҡсаты булып тора,  — тине Тьери Фурньер. – Беҙ Башҡортостандағы гипс ятҡылығын эшкәртеү хоҡуғына лицензия алғанбыҙ. Йәнә башҡа төрлө бихисап проекттарыбыҙ ҙа бар.

Гипс изделиелары етештереү буйынса завод төҙөлөшө лә — улар араһында. Уны яҡынса  2014-2015 йылдарҙа тамамлау көтөлә. Планлаштырылған инвестициялар 80 миллион евро тәшкил итәсәк. Проектты тормошҡа ашырыу йөҙәрләгән эш урындары булдырасаҡ, ә заводтың проект ҡеүәте йылына 30 миллион квадрат метр гипс ҡатырғаһы тәшкил итәсәк.    

— Инвестиция климаты һәм эшҡыуарлыҡ үҫеше потенциалы Башҡортостанда бөгөнгө көндә юғары кимәлдә, — тип һыҙыҡ өҫтөнә алды Тьери Фурньер. – Башлыса быға республика етәкселегенең ярҙамы сәбәпсе. Шуға күрә мин проектыбыҙҙың тормошҡа ашырыласағына ышанам.

«Сен-Гобен» концерны быяла, быяла һауыт һәм төргәктәр, төҙөлөш продукцияһы (йылылыҡты һәм тауышты изоляциялау, гипс ҡатырғаһы һәм гипс ҡатнашмалары, төҙөлөш иретмәләре, торбалар, сайдинг), юғары технологиялы материалдар (керамика, пластмасса, абразивтар) етештереү, шулай уҡ төҙөлөш материалдары дистрибуцияһы буйынса донъяла алдынғы урындарҙы биләй.

Яндекс цитирования
Рейтинг ресурсов "УралWeb" -->
закрыть