7 декабрь, Шаршамбы

12 апрель 2011 йыл, 16:07

«Өфө» футбол клубы көйәрмәндәре менән осраша

автор: Дмитрий Слезин

«Өфө» футбол клубы 18 апрелдә Ҡала мәҙәниәт һарайында миҙгел алдынан көйәрмәндәре менән осрашыу үткәрә.  

Клубтың матбуғат хеҙмәтенән хәбәр итеүҙәренсә, осрашыу программаһында команданың яңы ағзалары менән таныштырыу, алдағы 2011-2012 йылдар миҙгеленә маҡсаттарҙы иғлан итеү, артистарҙың һәм Өфө ҡалаһының иң яҡшы КВН командаларының береһенең сығыштары ҡаралған.

Һәр көйәрмәндең «Өфө» футбол клубы етәкселегенә, тренерҙар штабына һәм футболсыларға һорауҙар биреү мөмкинлеге буласаҡ.

Иң яҡшы һорау авторҙарына махсус бүләктәр әҙерләнгән.

Кисә һуңында осрашыуға килеүселәр команданың баш тренеры Андрей Канчельскис һәм уйынсылар менән фотоға төшә аласаҡ.  

темалар: футбол