8 декабрь, Кесе йома

06 апрель 2011 йыл, 17:10

Башҡортостанда ун йылда ҡымыҙ етештереү күләме 2,5 тапҡырға артҡан

автор: Тимур Рәхмәтуллин

Башҡортостанда 2000 йылдан алып ҡымыҙ етештереү 2,5 тапҡырға артҡан, тип хәбәр итте БР Дәүләт Йыйылышы – Ҡоролтайҙың Аграр мәсьәләләр, экология һәм тәбиғәттән файҙаланыу буйынса комитеты ултырышында БР ауыл хужалығы министры урынбаҫары Азат Йыһаншин.

— Беҙҙең традицион ҡымыҙ ҙур һорау менән файҙалана, — тип билдәләне ул. – 2006 йылда республиканың 27 районында ҡымыҙ етештереү менән шөғөлләнһәләр, 2010 йылда – 45 районда. Дүрт йылда был традицион эсемлекте етештереү күләмдәре — ике тапҡырға, ә 2000 йыл менән сағыштырғанда 2,5 тапҡырға артты.