11 декабрь, Йәкшәмбе

06 апрель 2011 йыл, 10:41

14-15 апрелдә Өфөлә Башҡортостан яҙыусыларының XV съезы үтәсәк

автор: Любовь Колоколова

14-15 апрелдә Өфөлә Башҡортостан яҙыусыларының сираттағы XV съезы үтәсәк. Был хаҡта Башҡортостан Республикаһы Яҙыусылар союзы идараһы хәбәр итә.

Съезд БР Дәүләт Йыйылышы – Ҡоролтайҙың Ҙур залында (Әхмәтзәки Вәлиди урамы, 40) үтәсәк. Съезд делегаттарын теркәү 13 апрелдә – БР Яҙыусылар союзы идараһында (Коммунистик урамы, 34) сәғәт 10-дан 18-гә тиклем, 14 апрелдә БР Дәүләт Йыйылышы – Ҡоролтай Йортонда 8.30-ҙан 9.30-ға тиклем үткәрелә. Съезд сәғәт 10-да башлана.

БР Яҙыусылар союзы идараһы республика учреждениелары, предприятиелары, ойошмалары һәм юғары уҡыу йорттары етәкселәренә Башҡортостан Яҙыусылар союзы ағзалары – делегаттарҙың съезд эшендә ҡатнашыуҙарына булышлыҡ итеүен һорай.