9 декабрь, Йома

04 апрель 2011 йыл, 14:07

Май байрамдарында нисек ял итәбеҙ?

автор: "Башинформ"

Башҡортостан Республикаһы Хеҙмәт һәм халыҡты социаль яҡлау министрлығы мәғлүмәте буйынса, байрам көндәре менән бәйле Башҡортостанда 30 апрель, 1, 2 һәм 7, 8, 9 май ял көндәре булып тора.

Рәсәй Федерацияһы Хеҙмәт кодексының 112-се статьяһына ярашлы, 1 май – Хеҙмәт һәм Яҙ байрамы һәм 9 май – Еңеү Көнө –  байрам көндәре булып тора.

2011 йылда байрам иҫәпләнгән 1 май көнө аҙналағы ял көнө — йәкшәмбегә тура килә. Ял һәм эшләмәгән байрам көндәре тура килгәндә ял көнө байрамдан һуңғы эш көнөнә күсерелә. Тимәк, ял көнө йәкшәмбе 1 майҙан дүшәмбе 2 майға күсерелә.

Йома көндәрендә – 29 апрелдә һәм 6 майҙа эш оҙайлылығы ҡыҫҡартылмай.  

Шулай итеп, биш көнлөк эш аҙнаһында Башҡортостанда 30 апрель, 1, 2 һәм 7, 8, 9 май ял көндәре булып тора.

РФ Хеҙмәт кодексының 120-се статьяһы нигеҙендә йыллыҡ төп йәки өҫтәмә түләүле отпускы бирелгәндә байрам көндәре — 1 һәм 9 май отпускының календарь көндәре иҫәбенә индерелмәй, тип хәбәр итә республика Хөкүмәтенең матбуғат хеҙмәте.