8 декабрь, Кесе йома

04 апрель 2011 йыл, 9:25

Республика Президенты Рощинский тултырмаларының сифатын баһаланы

автор: Рәсүл Хәмиҙуллин | фото: Олег Яровиков

Башҡортостан Президенты Рөстәм Хәмитов Стәрлетамаҡ районы буйынса эш сәфәре барышында «Рощинский» совхозында булды. Төбәк башлығы предприятиеның әҙер продукцияһы һәм ит эшкәртеү цехы эшмәкәрлеге менән танышты. Ул шулай уҡ мал һуйыу, тултырма цехтарын, фасовкалау бүлеген, теплица хужалығын һәм 1280 баш малға иҫәпләнгән һөтсөлөк комплексы төҙөлөшөнөң урынын ҡараны.  

«Рощинский» совхозында бөгөн ике мең самаһы кеше эшләй. Бында көн һайын 50 төрҙәге 10 тоннаға яҡын тултырма изделиелары һәм өс тонна ярымфабрикаттар сығарыла. Совхозда ит етештереүҙе ойоштороуға киткән сығымдар бөтөнөһө бергә 150 миллион һум тәшкил иткән. Шуларҙың 102 миллионы республика ҡаҙнаһынан бүленгән.

2010 йылда совхоз 148 миллион һум табыш алған. Сағыштырыу өсөн 2009 йылда был күрһәткес 28 миллионға аҙыраҡ булған.