3 декабрь, Шәмбе

01 апрель 2011 йыл, 10:04

1 апрелдә Рәсәйҙә Ҡораллы көстәргә яҙғы саҡырыу башлана

автор: Тимур Рәхмәтуллин

1 апрелдән 15 июлгә тиклем Рәсәйҙә хәрби хеҙмәткә яҙғы саҡырыу үтәсәк. Был юлы ил буйынса 18-27 йәштәрҙәге – 270 мең, Башҡортостандан 8 меңдән ашыу егет хәрби хеҙмәткә алынасаҡ.

Республиканың хәрби хеҙмәткә саҡырыу комиссияһы рәйесе, Башҡортостан Республикаһының Йәмәғәт именлеге ведомство-ара советы секретары Марат Мәһәҙиевтың әйтеүенсә, саҡырыу комиссияларына тәү сиратта әүәлерәк хәрби хеҙмәтте кисектереү хоҡуғы менән файҙаланған өлкәнерәк йәштәге граждандар саҡырыла. Көндөҙгө бүлектә уҡыған студенттар һәм 18 йәше тулған мәктәп уҡыусылары уҡыу тамамланғанға тиклем хеҙмәттәрен кисектерә ала.  

Бөгөнгө көндән башлап хәрби хеҙмәткә саҡырылыусылар медицина комиссиялары үтә башлай.