3 декабрь, Шәмбе

31 март 2011 йыл, 17:43

Өфөлә ғилми эштәр конкурсы еңеүселәре бүләкләнәсәк

автор: Руфина Хананова

Башҡортостан Республикаһы юғары уҡыу йорттары һәм фән учреждениеларының йәш ғалимдары араһында иң яҡшы ғилми эшкә конкурс тамамланды. «Мәғариф. Фән. Карьера-2011» 11-се махсус күргәҙмәһе – мәғариф форумын ябыу сиктәрендә еңеүселәрҙе наградлау тантанаһы үтәсәк.

Жюри ҡатнашыусыларҙы техник фәндәр, гуманитар фәндәр, тәбиғәт фәндәре, инновациялы инженер-техник проекттар кеүек дүрт йүнәлеш буйынса баһаланы.

Хәтерегеҙгә төшөрәйек, йыл һайын был конкурс фундаменталь һәм ғәмәли фәндәрҙең һөҙөмтәлелеген күтәреү, Башҡортостан Республикаһының фән һәм мәғариф өлкәһендәге инновацион инфраструктураны камиллаштырыу маҡсатында ойошторола.

Бүләкләү тантанаһы 1 апрелдә 16 сәғәттә Нефтселәр мәҙәниәт һарайында үтәсәк. Конкурс еңеүселәре хаҡында тулыраҡ мәғлүмәтте http://bash.rosmu.ru/activity/announces/424.html сайтынан алырға мөмкин.

темалар: йәштәр, фән