10 декабрь, Шәмбе

31 март 2011 йыл, 12:48

Башҡортостандың Йәш гвардияһы йәшерен казиноларға ҡаршы көрәш башлай

автор: Марина Шумилова

«Берҙәм Рәсәйҙең Йәш Гвардияһы» Башҡортостан төбәк бүлексәһе Башҡортостан Республикаһындағы йәшерен казиноларға ҡаршы көрәш башлай. Йәш гвардиясылар төбәк биләмәһендә уларҙың эшмәкәрлеген туҡтатыу буйынса әүҙем эш алып барырға ниәтләй.  

Был маҡсатҡа ирешеү өсөн «ЙәшГвардия»ның төбәк бүлексәһе «ҡыҙыу линия» асты, уның буйынса эшләгән казинолар тураһында хәбәр итергә мөмкин.

Ҡыҙыу линияның телефоны: 266-71-87. Электрон почта: casino@mger02.ru

Бынан тыш, ufabezcasino.ru сайты асылған, унда акция хаҡында тулыраҡ мәғлүмәт менән танышырға һәм эшмәкәрлеген туҡтатмаған ҡомарлы уйын йорттары тураһында хәбәр итергә мөмкин.

Үҙ эшенең һөҙөмтәһен «Йәш Гвардия» фотоһүрәттәр һәм видео менән тулыландырылған иҫәп-хисап формаһында күрһәтәсәк, улар республиканың башҡарма власть органдарына тапшырыласаҡ.