10 декабрь, Шәмбе

24 март 2011 йыл, 9:41

Мәхмүд Аббас Өфөлә «Мираҫ» ансамбленең концертында булды

автор: Әлфиә Әһлиуллина

Мәхмүд Аббас етәкселегендәге Палестина милли хакимиәтенең рәсми делегацияһы «Мираҫ» йыр һәм бейеү фольклор ансамбленең концертын ҡараны. Коллектив Өфөнөң Конгресс-холында сығыш яһаны.  

Ошонда уҡ, һарайҙың фойеһында, Палестина делегацияһы «Донъя мәсеттәре» сәнғәт әҫәрҙәре коллекцияһы менән танышты. Унда бөтөн Ер йөҙөндәге иң матур мосолман ғибәҙәтханаларының һүрәттәре тупланған.  

«Башинформ» агентлығына «Мираҫ» ансамбле етәксеһе Валерий Степановтың хәбәр итеүенсә, концерт программаһы Башҡортостан территорияһында йәшәгән халыҡтарҙың мәҙәниәт үҙенсәлектәре һәм матурлығы сағылдырырлыҡ итеп төҙөлгән.