3 декабрь, Шәмбе

25 март 2011 йыл, 13:01

«Хеҙмәт һаҡлау буйынса иң яҡшы инженер - 2011» конкурсына заявкалар ҡабул ителә

автор: Ғәлиә Нәбиева

Башҡортостандың Хеҙмәт һәм халыҡты социаль яҡлау министрлығы йыл һайын үткәрелеүсе «Хеҙмәт һаҡлау буйынса иң яҡшы инженер» республика конкурсында ҡатнашыуға заявкалар ҡабул итә башланы.

Ведомствоның матбуғат хеҙмәтенән хәбәр итеүҙәренсә, профессияла иң яҡшыһы исеменә хеҙмәт һаҡлау буйынса инженер вазифаһында бер йылдан да кәм эшләмәгән белгестәр дәғүә итә ала. Үҙ аллы ҡатнашыусылар ҙа, ойошмаларҙан күрһәтелгәндәр ҙә конкурсҡа үткәрелә.  

Конкурс алты этаптан тора: «Компьютерҙа тест үтеү», «Хәүефһеҙлек знактары, терминдарҙы билдәләү, индивидуаль һаҡлыҡ саралары», «Документты теүәл белеү», «Ситуацион мәсьәлә», «Зыян күреүселәргә беренсе ярҙам күрһәтеү» һәм «Рәсәйҙә хеҙмәт шарттарын яҡшыртыу буйынса тәҡдимдәр индереү».

Һөнәри ярыш 28 апрелдә билдәләнәсәк Бөтә донъя хеҙмәт һаҡлау көнөнә ҡарата үткәрелә.