4 декабрь, Йәкшәмбе

23 март 2011 йыл, 12:15

Бөтә Рәсәй конкурсында социаль хеҙмәтләндереү учреждениеларының иң яҡшы хеҙмәткәрҙәре асыҡланасаҡ

автор: Ғәлиә Нәбиева

Быйыл Рәсәйҙә тәүге тапҡыр «Социаль хеҙмәтләндереү учреждениеһының иң яҡшы хеҙмәткәре» исеменә конкурс үтәсәк. Ул социаль хеҙмәткәр профессияһының абруйын күтәреү һәм йәштәрҙе ололар, инвалидтар, балалар, балалары булған ғаиләләр менән эшләргә өйрәтеү маҡсатында ойошторола.  Сөнки бик йыш социаль хеҙмәткәрҙәр ярҙамға мохтаж кешеләрҙе тирә-яҡ мөхит менән бәйләүсе үҙенә күрә бер еп кеүек хеҙмәт итә.

Башҡортостандың Хеҙмәт һәм халыҡты социаль яҡлау министрлығында был конкурста ҡатнашыу өсөн кандидатуралар күрһәтеү буйынса конкурс комиссияһы ойошторолдо. Ведомствоның матбуғат хеҙмәтенән хәбәр итеүҙәренсә, конкурсанттарҙы һайлап алыу буйынса конкурс комиссияһы ултырышы кесаҙна, 24 мартта үтәсәк.