11 декабрь, Йәкшәмбе

18 март 2011 йыл, 17:30

Өфөлә Ғәҙәттән тыш хәлдәр министрлығы диспетчерҙары «Хәүефһеҙ ҡала» системаһына тоташтырылды

автор: Ольга Мортазина

Баш ҡаланың берҙәм дежур-диспетчер системаһы Эске эштәр министрлығы хеҙмәткәрҙәре файҙаланған «Хәүефһеҙ ҡала» видеокүҙәтеү системаһына тоташтырылды. Хәҙер Ғәҙәттән тыш хәлдәр министрлығы Өфө урамдары һәм объекттарын реаль ваҡыт режимында күҙәтә, бөтөн ҡала буйынса урынлаштырылған камераларға төшөрөлгән мәғлүмәт Ғәҙәттән тыш хәлдәр министрлығы диспетчерҙары тәүлек әйләнәһенә күҙәткән мониторҙарға тапшырыла.  

— Видеокүҙәтеү хәлдәр торошон һәм хеҙмәткәрҙәребеҙҙең эшмәкәрлеген ваҡытлы баһаларға ярҙам итә, — тип хәбәр иттеләр Рәсәй Ғәҙәттән тыш хәлдәр министрлығының БР буйынса Баш идаралығы матбуғат хеҙмәтенән.  — Ул шулай уҡ ялған шылтыратыуҙарға иғтибар итмәҫкә һәм производство, кеше ресурстарын бушҡа сарыф итмәҫкә мөмкинлек бирәсәк.