8 декабрь, Кесе йома

10 март 2011 йыл, 11:01

Ике айҙа Куйбышев тимер юлы менән 10 млн тоннанан ашыу йөк ташылған

автор: Любовь Колоколова

Ағымдағы йылдың ике айында Куйбышев тимер юлы 10 миллион тоннанан ашыу йөк ташыған, был уҙған йылдағы күрһәткестән 6,1 процентҡа күберәк.

Куйбышев тимер юлының матбуғат хеҙмәтенән хәбәр итеүҙәренсә, дөйөм йөк күләмендә нефть продукттары өлөшө 59% самаһы тәшкил иткән. Бынан тыш, йөктәрҙең дөйөм структураһында ярайһы ҙур өлөштө химикаттар һәм сода (8,5%), сәнәғәт сеймалы (6,6%) һәм төҙөлөш тауарҙары (6%) алып тора. Төҙөлөш тауарҙары, кокс, автомобилдәр һәм цемент ташыуҙа иң ҙур үҫеш күҙәтелә.

Белгестәр фекеренсә, йөк ташыу өлкәһендә ыңғай динамикаға Куйбышев магистрале яуаплылығы зонаһында булған төбәктәрҙең сәнәғәт потенциалының тергеҙелеүе һәм үҫеше, шулай уҡ тимер юлсыларҙың яңы транспорт маршруттарын ойоштороу һәм клиенттар йәлеп итеү буйынса һөҙөмтәле эшмәкәрлеге булышлыҡ иткән.

Шуны ла өҫтәргә кәрәк: Куйбышев тимер юлының Башҡортостан төбәге, ғәҙәттәгесә, нефть продукттарын ташыуҙа алдынғы урында килә.