5 декабрь, Дүшәмбе

05 март 2011 йыл, 12:18

8 Март байрамында еүеш ҡар яуыуы көтөлә

автор: Ғәлиә Нәбиева

Яҙғы һауа торошо, кешелектең гүзәл яртыһы вәкилдәре кеүек үк, көйһөҙ, үҙгәреүсән. “Башгидромет”үҙәгенең баш синоптигы Анна Козаева хәбәр итеүенсә, 5 марттан Башҡортостанда һауа торошо үҙгәрәсәк. Ҡоро һыуыҡтарға алмашҡа циклон ҡар килтерә. 5-6 мартта Башҡортостанда ҡар яуасаҡ, алмашыныусан тиҙлектә ел иҫеүе көтөлә. 6 мартта айырым райондарҙа күпләп ҡар яуасаҡ. 7 мартта яуым-төшөм кәмейәсәк.

Халыҡ-ара ҡатын-ҡыҙҙар көнөндә синоптиктар еүеш ҡар яуасаҡ һәм боҙлауыҡ буласаҡ тип күҙаллай.

Был көндәрҙә һауа температураһы күтәреләсәк. Көндөҙ минус 2-8 градус, төндәрен башлыса 7-12 градус һалҡын буласаҡ.

Ә 9 мартта Башҡортостанға һыуыҡтар ҡайтанан әйләнеп ҡайтасаҡ. Оҙаҡҡа түгел, әлбиттә, шулай ҙа ҡыш үҙ хоҡуҡтарын күрһәтеп аласаҡ әле.