6 декабрь, Шишәмбе

04 март 2011 йыл, 12:08

Республиканың төп иҡтисадсылары Мәскәүҙә конференцияла булды

автор: Светлана Ғәфүрова

Башҡортостан Республикаһы Иҡтисади үҫеш министрлығы вәкилдәре Мәскәүҙә «Рәсәйҙә көйләү йоғонтоһон баһалауҙы индереү» Халыҡ-ара конференцияһында ҡатнашты.

Конференция Бөтөн донъя банкы, «Стратегик эшкәртмәләр үҙәге» фонды, Рәсәй халыҡ хужалығы академияһы һәм РФ Президенты ҡарамағындағы Дәүләт Советы ҡатнашлығында РФ Иҡтисади үҫеш министрлығы етәкселегендә ойошторолдо.

Ведомствола хәбәр итеүҙәренсә, Башҡортостан Республикаһы Иҡтисади үҫеш министрлығынан конференция эшендә иҡтисади үҫеш министры урынбаҫары Евгений Маврин менән эшҡыуарлыҡты һәм конкуренцияны үҫтереү бүлеге начальнигы Гөлнара Юлсурина ҡатнашты.

Конференцияла ике секция эшләне: «Рәсәйҙә көйләү йоғонтоһон баһалауҙы индереү» һәм «Көйләү йоғонтоһон баһалау: бизнес-берләшмәнең һәм дәүләттең үҙ-ара хеҙмәттәшлеге». Шулай уҡ «Рәсәйҙә көйләү йоғонтоһон баһалауҙы индереү буйынса артабанғы аҙымдар» темаһына урындағы һәм халыҡ-ара эксперттар ҡатнашлығында түңәрәк өҫтәл ойошторолдо.