7 декабрь, Шаршамбы

28 февраль 2011 йыл, 17:30

Өфө менән Бургасты авиарейс тоташтырасаҡ

автор: Евгений Рәхимҡолов

Тиҙҙән Өфө менән Болгарияның Бургас ҡалаһы араһында авиарейс асырға планлаштырыла. Был турала 28 февралдә «Башинформ» агентлығында үткән матбуғат конференцияһында «Башҡортостан – Болгария» Дуҫлыҡ йәмғиәтенең башҡарыусы директоры Татьяна Коробова хәбәр итте.

— Башҡортостан менән Болгария араһында мәҙәни бәйләнештәрҙе артабан үҫтереү был рейсты асыуға туранан-тура бәйләнгән, — тине ул. – Республикабыҙ вуздарында алмашыу программаһы буйынса Болгариянан уҡытыусылар эшләй, болгар студенттары уҡый. Беҙгә Болгариянан рәссамдар килә. Үҙ сиратында, беҙҙең ижади коллективтарыбыҙ, студенттарыбыҙ Болгарияға бара. Ләкин бөтөн был мәҙәни алмашыу Башҡортостан менән Болгария араһында тура авиабәйләнеш булмау арҡаһында ныҡ тотҡарлана. Мәскәү аша осорға тура килә. Бындай маршрут уңайһыҙ һәм өҫтәмә финанс сығымдары талап итә.

Татьяна Коробованың һүҙҙәренә ҡарағанда, Өфө менән Бургас араһында авиарейсты 2010 йылдың йәйендә үк асырға планлаштырылғайны, ләкин ул саҡта был проект тормошҡа ашырылмайғайны.