3 декабрь, Шәмбе

25 февраль 2011 йыл, 9:52

Иң яҡшы архитектура һәм ҡала төҙөлөшө бүлектәре билдәләнде

автор: Рәсүл Хәмиҙуллин

Башҡортостан Республикаһы Төҙөлөш һәм архитектура буйынса дәүләт комитетында Башҡортостан райондары һәм ҡалалары араһында иң яҡшы архитектура һәм ҡала төҙөлөшө бүлегенә йыллыҡ конкурсҡа йомғаҡ яһанылар. Ул был йүнәлештәге алдынғы тәжрибәне асыҡлау, дәртләндереү, пропагандалау һәм таратыу маҡсатында үткәрелә.  

Конкурс бүлектәрҙең производство, норматив һәм ижади эшмәкәрлеге күрһәткестәре, шулай уҡ уларҙың финанс-иҡтисади хәле буйынса баһаланды. «Муниципаль райондар араһында иң яҡшы архитектура һәм ҡала төҙөлөшө бүлеге» номинацияһында Белорет районы хакимиәтенең архитектура һәм ҡала төҙөлөшө бүлеге еңеү яуланы. Икенсе урынды — Бәләбәй, өсөнсөнө Дүртөйлө районы алды.

«Ҡала округтары араһында иң яҡшы архитектура һәм ҡала төҙөлөшө бүлеге» номинацияһында төп награда Күмертау ҡалаһына бирелде.