10 декабрь, Шәмбе

21 февраль 2011 йыл, 14:41

Торлаҡ-коммуналь хужалыҡ һыуыҡтар арҡаһында тәүлек әйләнәһенә дежур итеүгә күсте

автор: Ғәлиә Нәбиева

Башҡортостан торлаҡ-коммуналь хужалығының коммуналь предприятиеларында аномаль һыуыҡтар арҡаһында инженер-техник персоналдың тәүлек әйләнәһенә дежур итеүе ойошторолған. Ведомствоның матбуғат хеҙмәтенән хәбәр итеүҙәренсә, авария бригадалары ҡорамалдары һәм автотранспорт средстволары, коммуналь инфраструктура объекттарының — резерв электр энергияһы менән тәьмин итеү сығанаҡтарына, ҡаҙанлыҡтарҙың резерв яғыулыҡҡа күсеүгә әҙерлеге тикшерелгән.

Предприятиеларҙа йәмғеһе 462 авария-йүнәтеү бригадалары һәм 1148 техника берәмеге бар. Авария-тергеҙеү эштәрен үткәреүгә 177 миллион һум суммаға матди-техник средстволар запастары булдырылған.

Йәшәйеште тәьмин итеү системалары эшендә өҙөклөктәр булғанда аварияларҙы нормативта билдәләнгән ваҡытта бөтөрөү өсөн көс һәм средстволар етерлек.

БР Торлаҡ-коммуналь хужалыҡ министрлығынан муниципаль берәмектәр хакимиәттәре исеменә температура минимумынан үткәндә йәшәйеште тәьмин итеү объекттарының тотороҡло эшен ойоштороу өсөн өҫтәмә саралар ҡабул итеү тураһында мөрәжәғәт ебәрелгән.