9 декабрь, Йома

21 февраль 2011 йыл, 9:02

Мәсетле районы хакимиәтендә үҙгәрештәр булып үтте

автор: "Башинформ"

19 февралдә Мәсетле районы муниципаль район хакимиәте Советы ултырышы үтте, унда хакимиәт башлығы вәкәләттәрен ваҡытынан алда туҡтатыу һәм Мәсетле районы хакимиәте башлығы вазифаһын ваҡытлыса башҡарыуҙы икенсе кешегә йөкмәтеү мәсьәләләре ҡаралды.  

Үҙ теләге менән отставкаға китеү тураһындағы ғаризаһына бәйле, Совет ҡарары менән хакимиәт башлығы Юнир Солтанов вазифаһынан бушатылды.

Район Советы тарафынан конкурс һөҙөмтәләре буйынса ошо вазифаға тәғәйенләнгән кеше вазифаны ҡабул итеп алғанға тиклем Мәсетле районы муниципаль район хакимиәте башлығы вазифаһын башҡарыуҙы Совет депутаттары Иван Могильниковҡа йөкмәтте.