4 декабрь, Йәкшәмбе

17 февраль 2011 йыл, 13:50

Өфөлә март башында «Бал ҡорто. Бал. Умарталыҡ-2011» күргәҙмә-форумы үтәсәк

автор: Светлана Ғәфүрова

10 мартта Башҡортостан Республикаһы Фәндәр академияһының «Баштехинформ» республика фәнни-техник һәм мәғлүмәт комплексында III «Бал ҡорто. Бал. Умарталыҡ-2011» махсуслаштырылған күргәҙмә-форумы асыласаҡ.

Умартасылыҡ өлкәһендәге инновацион технологияларҙы, умартасылар продукцияһының киң ассортиментын күрһәтеү, белгестәр араһында үҙ-ара хеҙмәттәшлекте арттырыу, шулай уҡ продукцияның киң ассортиментын халыҡ иғтибарына тәҡдим итеү һәм һатыу – күргәҙмәнең төп маҡсаты.  

Күргәҙмә киләһе тематик бүлектәр буйынса үтәсәк: бал һәм уның нигеҙендә етештерелгән аҙыҡ-түлек продукттары (шул иҫәптән эсемлектәр), ҡортсолоҡ продукттары, ҡортсолоҡ продукттары ҡулланып эшләнгән косметик һәм дарыу препараттары, апитерапия, ҡорамалдар, умарталыҡ өсөн йыһаздар, сувенирҙар, махсус әҙәбиәт.