6 декабрь, Шишәмбе

15 февраль 2011 йыл, 11:44

Мәғариф өлкәһендә һөҙөмтәһеҙ сығымдарҙы оптималләштереү үткәрелә

автор: "Башинформ"

Башҡортостан Президенты Рөстәм Хәмитов мәғариф өлкәһендәге һөҙөмтәһеҙ сығымдарҙы ҡыҫҡартыуҙы һәм оптималләштереү барышында алынған аҡсаны уҡытыусыларҙың эш хаҡын күтәреүгә йүнәлтеүҙе талап итте.

«Мәғариф өлкәһендәге сығымдарҙы оптималләштереү менән тыныс, планға ярашлы, хис-тойғоларһыҙ шөғөлләнергә кәрәк, — тине Рөстәм Хәмитов. — Тәү сиратта кластарҙағы уҡыусылар һанына иғтибар итергә кәрәк. Класта икешәр, өсәр, дүртәр бала уҡыған мәктәптәр бар, ә республика буйынса 115 класта ни бары берәр уҡыусы ғына иҫәпләнә».

Яҡынса баһа буйынса Башҡортостанда мәғариф өлкәһендәге һөҙөмтәһеҙ сығымдар йылына 5 миллиард һум тәшкил итә ала, тип хәбәр итә республика башлығының матбуғат хеҙмәте.