10 декабрь, Шәмбе

07 февраль 2011 йыл, 12:14

Конгресс-холда милли ихаталар күргәҙмәгә ҡуйыласаҡ

автор: Тимур Рәхмәтуллин

Өфөнөң Конгресс-холында 10 февралдә 10 милли ихата күргәҙмәгә ҡуйыласаҡ. Был турала «Башинформ» агентлығына БР Халыҡтар дуҫлығы йорто директоры Илшат Сабитов хәбәр итте.

Башҡортостан тарихи-мәҙәни үҙәктәре үҙҙәренең экспозицияларын әҙерләгән. Республика халыҡтарының торлаҡтары, йорт йыһаздары, кейем-һалымы, сувенирҙары һәм милли аш-һыуы күрһәтеләсәк.

«Сәйетбаба» тарихи-мәҙәни үҙәге мөдире Рәзим Мәүлетҡоловтың хәбәр итеүенсә, Конгресс-холда башҡорт тирмәһе лә урын аласаҡ. Үҙәк хеҙмәткәрҙәре милли кейемдәрҙәге гипстан яһалған фигуралар әҙерләгән. Биҙәлгән өҫтәлдә традицион башҡорт ашамлыҡтары – бауырһаҡ, бал һәм ҡымыҙ буласаҡ.