11 декабрь, Йәкшәмбе

07 февраль 2011 йыл, 12:00

Ғинуарҙа Өфөлә ҡала янындағы күсемһеҙ милеккә хаҡтар ике процентҡа күтәрелгән

автор: Рәсүл Хәмиҙуллин

Ғинуарҙа Өфөлә ҡала янындағы йорттарға һәм коттедждарға уртаса хаҡ ике процентҡа артҡан. «Эксперт» күсемһеҙ милек агентлыҡтары селтәре мәғлүмәтенә ярашлы, бөтөн йорттар, коттедждар һәм таун-хаустар буйынса тәҡдим ителгән уртаса хаҡ квадрат метрына 26 мең һум тәшкил итә.

Иң арзан йорт 450 мең һум тора. Ул Иглинда урынлашҡан. Майҙаны – 61 квадрат метр. Иң ҡыйбат объекттың хаҡы — 25 миллион һум. Был Суровкалағы өйҙөң майҙаны – 430 «квадрат».

Ер участкаларына килгәндә иһә, уларҙың уртаса хаҡы бер сутыйға 45 мең һум тәшкил итә. Бер айҙа ул 5,1 процентҡа төшкән.

Иң ҡыйбат ер участкаһы – 25 сутый – Зубовола өс миллион һумға тәҡдим ителә. Иң арзан участка Иглинда һатыла – 15 сутыйға 150 мең һум һорайҙар.