9 декабрь, Йома

04 февраль 2011 йыл, 17:39

Ете район аграрийҙары һауым буйынса алда бара

автор: Ғәлиә Нәбиева

Башҡортостанда тәүлегенә һәр һыйырҙан һөт һауып алыу буйынса Саҡмағош районы малсылары алда бара. Йыл башынан алып был райондың ауыл хужалығы предприятиеларында һыйырҙарҙың продуктлылығы 407 килограмм һөт тәшкил итте, был былтырғы кимәлдән 35 килограмға күберәк. Тулайым һауым – 2899 тонна, былтырғы күрһәткес 264 тоннаға арттырылған.

Республиканың ете районында һәр һыйырҙан уртаса тәүлек һауысы 10 килограмдан артығыраҡ. Саҡмағошта  — 12,9 килограмм, Ауырғазыла — 10,7, Ҡырмыҫҡалыла – 10,6, Стәрлетамаҡта – 11,2, Тәтешлелә – 11,5, Өфө районында – 12, Учалыла – 11,3 килограмм.