10 декабрь, Шәмбе

04 февраль 2011 йыл, 13:14

Башҡортостанда бурандар башлана

автор: Рәсүл Хәмиҙуллин

Алдағы көндәрҙә Башҡортостанда һауа торошоноң боҙолоуы көтөлә. Был турала «Башинформ» агентлығына Башгидрометтың баш синоптигы Анна Козаева хәбәр итте. Уның әйтеүенсә, шәмбе көндө бер аҙ ҡар яуыуы ихтимал. Һауа температураһы республика буйынса төнөн минус 10-15 градус тәшкил итәсәк. Көндөҙ – минус 12 градус.

— Йәкшәмбе, 6 февралдә, яуым-төшөм артасаҡ, юлдарға көрт һалыуы ихтимал, — тине ул. – Көслө буран сығыуы көтөлә, күреү мөмкинлеге түбәнәйәсәк. Термометр бағанаһы төнөн – минус 8-13 градус, көндөҙ минус 4-9 градус күрһәтәсәк.

Бурандар дүшәмбе, 7 февралдә лә туҡтамаясаҡ.      

темалар: һауа торошо