Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.54 ↑

EUR 67.68 ↓

29 июнь, Кесе йома

Уфа   °

Рөстәм Хәмитов торлаҡ төҙөлөшөн үҫтереү буйынса кәңәшмәлә ҡатнашты

Иҡтисад

3 февралдә Кировта Башҡортостан Президенты Рөстәм Хәмитов ил төбәктәрендә торлаҡ төҙөлөшөн үҫтереү мәсьәләләре буйынса кәңәшмәлә ҡатнашты. Уны Рәсәй Хөкүмәте Рәйесе Владимир Путин үткәрҙе.

Кәңәшмәлә торлаҡ төҙөлөшөн үҫтереүҙең төбәк программалары тикшерелде. Хөкүмәт Рәйесе 2015 йылға торлаҡты сафҡа индереү күләмен 1,5 тапҡырға –дөйөм алғанда ил буйынса 90 миллион квадрат метрға тиклем арттырыуҙың төп бурыс булыуын билдәләне. Шул уҡ ваҡытта «Торлаҡ» федераль маҡсатлы программаһын тормошҡа ашырыуҙың  төп һөҙөмтәлелек күрһәткесе булып, Владимир Путин билдәләүенсә, граждандар өсөн торлаҡтың мөмкин тиклем арзан булыуы торорға тейеш. Шулай уҡ Хөкүмәт Рәйесе үҙҙәренең торлаҡ программаларын уңышлы ғәмәлгә ашырған төбәктәрҙе финанс механизмдар ярҙамында дәртләндереүгә әҙерлеге хаҡында белдерҙе. Уның әйтеүенсә, был маҡсатҡа 21 миллиард һум бүленгән.

Кәңәшмәлә вице-премьер Александр Жуков, төбәктәр үҫеше министры Виктор Басаргин, Иҡтисади үҫеш министрлығы башлығы Эльвира Нәбиуллина, Рәсәй Президентының Волга буйы федераль округындағы Тулы хоҡуҡлы вәкиле Григорий Рапота, төбәктәр етәкселәре, йәмәғәт ойошмалары, профилле министрлыҡтар һәм ведомстволар вәкилдәре ҡатнашты, тип хәбәр итә Башҡортостан Президентының матбуғат хеҙмәте.

Яндекс цитирования
Рейтинг ресурсов "УралWeb" -->
закрыть