5 декабрь, Дүшәмбе

02 февраль 2011 йыл, 12:42

Баймаҡ районында уҡыусылар дәрестә өшөп ултыра

автор: Ольга Мортазина

Баймаҡ районының Бикеш һәм Ҡуянтау ауылдарында балалар һалҡын бинала уҡый. Мәктәптәрҙә ремонтты ишектәрҙе асып ҡуйып үткәрәләр, күмерҙе экономиялайҙар. Һөҙөмтәлә уҡыу кластарында температура санитар нормалар буйынса 18-20 градус урынына 13 градус кимәлендә генә.

Быны район прокурорҙары сираттағы тикшереү ваҡытында асыҡланы. Ҡағиҙә боҙоуҙар тураһында улар район хакимиәтенә хәбәр итте һәм уларҙы бөтөрөргә ҡушты. Уҡыу йорттарына ҡарата административ эш ҡуҙғатылды, уны “Роспотребнадзор”ҙың Башҡортостан буйынса идаралығында ҡараясаҡтар, тип хәбәр иттеләр БР Прокуратураһы матбуғат хеҙмәтенән.