11 декабрь, Йәкшәмбе

01 февраль 2011 йыл, 10:59

Башҡортостандан журналист — Бөтөн Рәсәй конкурсы еңеүсеһе

автор: Алена Пермякова

Билдәле журналист Мадриль Ғәфүров 2010 йыл йомғаҡтары буйынса Рәсәй Журналистар союзы тарафынан үткәрелгән Бөтөн Рәсәй конкурсының «Журналист тикшереүе» номинацияһында еңеүсе тип танылды.

Өс йыл буйына журналист Кушнаренко районы хакимиәтенең элекке башлығы Сергей Касаткиндың законһыҙ эш итеүҙәренә ҡаршы көрәш алып бара. Кушнаренко районындағы коррупция тураһында материалдар серияһы күп кенә республика гәзиттәрендә, шул иҫәптән Мадриль Ғәфүров үҙе ойоштороусыһы һәм мөхәррире булған «Евразийский проспект» гәзитендә баҫылып сыға.

Журналист тикшереүе һөҙөмтәләре буйынса Сергей Касаткин вазифаһынан бушатыла һәм яуапҡа тарттырыла.

Бөтөн Рәсәй конкурсына журналисты «Коммунист Башкортостана» гәзите коллективы күрһәтә, ә уның кандидатураһын БР Журналистар союзы хуплай.

Бүләкте тапшырыу өсөн Мадриль Ғәфүровты Мәскәүгә, 11 февралдә үтәсәк «Матбуғат балы»на саҡырҙылар.