8 декабрь, Кесе йома

31 ғинуар 2011 йыл, 11:10

Бер аҙнала икенсел торлаҡҡа хаҡтар Өфөлә 0,7 процентҡа артты

автор: Рәсүл Хәмиҙуллин

Бөгөн Өфөлә икенсел торлаҡтың уртаса хаҡы квадрат метрына 46,08 мең һум тәшкил итә. Уҙған аҙнала ул 0,7 процентҡа артты.

Фатирҙарҙың бөтөн сегменты ла ҡыйбатланған: ике бүлмәлеләр — 0,6 процентҡа, бер һәм өс бүлмәлеләр — 0,7 процентҡа. Республиканың баш ҡалаһында күп бүлмәле торлаҡҡа уртаса хаҡ 0,8 процентҡа күтәрелгән.

«Эксперт» күсемһеҙ милек агентлыҡтары селтәре аналитигы Айгөл Степанованың мәғлүмәте буйынса, ҡалала иң арзан өс бүлмәле фатир әлеге мәлдә 800 мең һумға тәҡдим ителә. Ул К.Маркс урамында урынлашҡан, майҙаны — 45 квадрат метр. Иң ҡыйбат фатир 16,5 миллион һум тора. Был Ағалы-энеле Кадомцевтар урамындағы   дүрт бүлмәле фатирҙың дөйөм майҙаны 175 квадрат метр.

Бүлмәләр сегментында тәҡдим ителгән иң арзан хаҡ – 500 мең һум: Интернациональ урамы, 12 квадрат метр. Иң юғары хаҡ – 1170 мең һум: Космонавтар урамы, 10,9 квадрат метр.

Һатыуға ҡуйылған иң ҡыйбат коттедж 20 миллион һумға тәҡдим ителә. Ул Аҡманайҙа урынлашҡан, майҙаны – 450 квадрат метр.