10 декабрь, Шәмбе

28 ғинуар 2011 йыл, 17:27

Эшҡыуарлыҡ һәм туризм буйынса дәүләт комитетының яңы етәксеһе тәғәйенләнде

автор: Сергей Захаров

28 ғинуарҙа Башҡортостан Президенты Рөстәм Хәмитов үҙ указы менән БР Эшҡыуарлыҡ һәм туризм буйынса дәүләт комитеты рәйесе итеп Руслан Кинйәкәевты тәғәйенләне. Әлегә тиклем ул республика инвалидтар йәмәғәт ойошмалары производство предприятиелары Ассоциацияһын етәкләне.  

Был вазифала ул ведомствоны 2010 йылдың авгусынан етәкләүсе Айҙар Хәлиловты алыштырҙы.

Белешмә өсөн. БР Эшҡыуарлыҡ һәм туризм буйынса дәүләт комитеты үҙ компетенцияһы сиктәрендә бәләкәй һәм урта эшҡыуарлыҡты, туризмды һәм туризм индустрияһын үҫтереү һәм яҡлау өлкәһендә тармаҡ-ара яраштырыу, планлаштырыу һәм функциональ көйләү менән шөғөлләнеүсе республика башҡарма власть органы булып тора.