Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89 ↑

EUR 69.42 ↓

16 декабрь, Шәмбе

Уфа   °

Өфөлә Арыҫлан Мөбәрәковтың исеме мәңгеләштерелде

Йәмғиәт

Өфөлә тантаналы рәүештә актёр, режиссёр, драматург, СССР-ҙың халыҡ артисы Арыҫлан Мөбәрәковҡа таҡтаташ астылар. Ул ҡасандыр артист йәшәгән Ленин урамындағы 2-се йортта ҡуйылды.  

Таҡтаташ асыу тантанаһында власть вәкилдәре, артистың дуҫтары, яҡындары һәм коллегалары ҡатнашты.

— Арыҫлан Мөбәрәковтың исеме башҡорт театр мәҙәниәте үҫешенең әхлаҡи нигеҙе булып тора, — тине БР мәҙәниәт министры Асҡар Абдразаҡов. — Бөгөн таҡтаташ асып, беҙ бөтә ғүмерен Башҡортостан Республикаһында театр сәнғәтен үҫтереүгә арнаған мәшһүр кешегә хөрмәт күрһәтәбеҙ. Үҙ таланты менән ул Башҡортостан рухи яҡтан, үҙенең күренекле артистары менән көслө булыуын күрһәтте.

Арыҫлан Мөбәрәков 1908 йылдың 15 декабрендә Белорет районының Асы ауылында тыуған. 1934 йылдан ғүмеренең аҙағына тиклем ул Башҡорт академия драма театрында актер, режиссер, художество етәксеһе һәм директор булып эшләй. Оҫта 20-нән артыҡ спектакль ҡуя, улар араһында Н. Островскийҙың «Ҡорос нисек сыныҡты», Р. Бикбайҙың «Ҡарлуғас», М. Фәйзиҙең «Аҫылйәр», Г. Әхмәтшиндың «Тальян гармун», Н. Нәжмиҙең «Яҙғы йыр», М. Кәримдең «Яңғыҙ ҡайын» һәм башҡалар.

— Арыҫлан Ҡотлоәхмәт улы бөйөк актер, режиссер һәм драматург ҡына түгел, ул Башҡортостандың символы, — тип билдәләне Өфөнөң Киров районы хакимиәте башлығы Салауат Сәғитов.

Арыҫлан Мөбәрәковтың иң билдәле актерлыҡ эштәре драма һәм кинофильмдарҙа, шул иҫәптән Степан Злобин сценарийы буйынса режиссер Яков Протазановтың «Салауат Юлаев» фильмындағы Салауат Юлаев роле менән бәйләнгән.

Арыҫлан Мөбәрәковтың ҡыҙы – Гөлли Мөбәрәкова рәхмәт һүҙҙәре менән сығыш яһаны.

— Атайыбыҙ, олатайыбыҙ, ҡарт олатайыбыҙға ҡарата ошондай иғтибарығыҙ өсөн рәхмәт, — тине ул. — Ул әле лә хәтерҙә. Арыҫлан Мөбәрәковтың рухы беҙҙең арала мөғжизә булып йәшәүен дауам итә.  

Теги: хәтер
Яндекс цитирования
Рейтинг ресурсов "УралWeb"
закрыть