3 декабрь, Шәмбе

27 ғинуар 2011 йыл, 16:43

Беренсе «Ҙур химия» халыҡ-ара форумы Өфөлә 27-28 майҙа үтәсәк

автор: "Башинформ"

Рөстәм Хәмитов «Ҙур химия» I халыҡ-ара форумын ойоштороу һәм үткәреү тураһында» Башҡортостан Хөкүмәте ҡарарына ҡул ҡуйҙы.

Документта, был сара Башҡортостандың иҡтисади бәйләнештәрен артабан үҫтереү, республика иҡтисадының төп тармаҡтарына инвестициялар йәлеп итеү маҡсатында үткәрелә, тиелә.

Форум Өфөлә 2011 йылдың 27-28 майында үтәсәк. БР Сауҙа-сәнәғәт палатаһы һәм «Баштехинформ» республика фәнни-техник һәм мәғлүмәт комплексы уны әҙерләү һәм үткәреүҙә төп ойоштороусылар булып тора. «Ҙур химия» халыҡ-ара форумының ойоштороу комитеты рәйесе итеп вице-премьер Юрий Пустовгаров тәғәйенләнде, тип хәбәр итә Башҡортостан Хөкүмәтенең матбуғат хеҙмәте.