9 декабрь, Йома

27 ғинуар 2011 йыл, 15:37

Республика хәрби комиссариаттары көҙгө саҡырыу буйынса планды үтәне

автор: Тимур Рәхмәтуллин | фото: Тимур Рәхмәтуллин

Башҡортостан  хәрби комиссариаттары көҙгө саҡырыу буйынса планын үтәне. Был турала 26 ғинуарҙа БР хәрби комиссары вазифаһын башҡарыусы Илдар Баһауетдин хәрби хеҙмәткә саҡырыу йомғаҡтарына арналған матбуғат конференцияһында хәбәр итте.

— Рәсәй Федерацияһы Ҡораллы Көстәр Генераль штабының ғәскәрҙәрҙе комплектлау буйынса наряды тулы күләмдә һәм билдәләнгән ваҡытҡа үтәлде, — тине Илдар Баһауетдинов. – Хәрби хеҙмәткә Башҡортостандан 12 200 егет оҙатылды.

Уның һүҙҙәренә ҡарағанда, бөтөн призывниктар һәм хәрби хеҙмәткәрҙәр өс тапҡыр эҫе аш һәм хәрби форма менән тәьмин ителде.

БР хәрби комиссары вазифаһын башҡарыусы шулай уҡ, уҙған саҡырыу көсөргәнешлелеге яғынан иң ҡатмарлыһы булды, тип билдәләне.