7 декабрь, Шаршамбы

26 ғинуар 2011 йыл, 10:45

Өфө янындағы сүплектә 20 мең DVD-дискылар юҡ ителде

автор: Ольга Мортазина

Черкассы ҡасабаһында ҡаты көнкүреш ҡалдыҡтары полигонында контрафакт дискылар партияһы юҡ ителде. Дөйөм хаҡы 20 миллион һум самаһы булған 20 мең берәмек иҫәбендә тыйылған DVD-продукцияһы Башҡортостандың баш ҡалаһында йәшәгән кешенең йортонан алынған, тип хәбәр иттеләр БР буйынса Эске эштәр министрлығының матбуғат хеҙмәтенән. Ир-ат законлы булмаған продукцияны даими рәүештә Өфөнөң Ленин районындағы баҙарҙарҙың береһендә һатҡан. Ә DVD-дискыларҙы үҙ өйөндә һаҡлаған. Вайымһыҙ һатыусыға ҡарата авторлыҡ хоҡуҡтарын боҙоу факты буйынса енәйәт эше асылған. Суд ир-егетте — шартлы рәүештә бер йылға иркенән мәхрүм итергә, ә тауарҙы юҡ итергә ҡарар сығарған.

темалар: контрафакт