10 декабрь, Шәмбе

25 ғинуар 2011 йыл, 14:41

Өфөлә авария хәлендәге йорттарҙан биш мең самаһы кеше икенсеһенә күсерелгән

автор: Евгений Рәхимҡолов

Өфөлә 2010 йылда авария хәлендәге торлаҡтан 4,7 мең кеше икенсеһенә күсерелгән. Был турала шишәмбе көндө мэрияла үткән оператив кәңәшмәлә Өфө хакимиәтенең иҡтисад идаралығы начальнигы Ольга Краснова хәбәр итте. Уның әйтеүенсә, был эш буйынса план 84 процентҡа үтәлгән.

Ольга Краснова һүҙҙәренсә, ҡалала бөтә муниципаль биналарҙа ла энергия ресурстарын иҫәпләү приборҙары ҡуйылған. Өфөнөң торлаҡ фонды иһә дөйөм йорт һыу счетчиктары менән — 100 процентҡа, йылылыҡ счетчиктары менән – 87 процентҡа һәм электр энергияһын иҫәпләү приборҙары менән 36 процентҡа тәьмин ителгән.