5 декабрь, Дүшәмбе

24 ғинуар 2011 йыл, 17:22

«Европа»лағы янғын сәбәптәрен тикшереү буйынса комиссия төҙөлдө

автор: Евгений Рәхимҡолов | фото: Андрей Старостин

Башҡортостанда «Европа» сауҙа үҙәгендә янғын сығыу сәбәптәрен тикшереү менән шөғөлләнәсәк махсус хөкүмәт комиссияһы төҙөлдө. Был турала бөгөн БР Хөкүмәте ултырышында республика башлығы Рөстәм Хәмитов хәбәр итте.

— Комиссияның бурысы булып янғын сәбәптәрен өйрәнеү һәм ғәйеплеләрҙе асыҡлау ғына түгел, киләсәктә бында фажиғәләргә юл ҡуймаҫҡа ярҙам итерлек  законлы тәҡдимдәр эшкәртеү тора, — тине ул.

Комиссияға республика һәм федераль власть органдары, көс структуралары вәкилдәре инде. Комиссияны БР Хөкүмәте Премьер-министры урынбаҫары Юрий Пустовгаров етәкләй.