8 декабрь, Кесе йома

19 ғинуар 2011 йыл, 17:29

Башҡортостанда бейеү фестивале үтәсәк

автор: Әлфиә Әһлиуллина

Быйыл Башҡортостанда ҙур бейеү фестивале үтәсәк, ул сәнғәттең был матур төрөн һөйөүселәрҙе берләштерәсәк. БР мәҙәниәт министры Асҡар Абдразаҡовтың һүҙҙәренә ҡарағанда, фестиваль яҡын айҙарҙа башланасаҡ. Ул республиканың бөтә райондарында бер үк ваҡытта башланасаҡ һәм 29 апрелдә, Халыҡ-ара бейеү көнөндә, Өфөлә тамамланасаҡ.

— Беҙҙең маҡсат – сәнғәтте республикабыҙҙың иң алыҫ мөйөштәренә еткереү. Мәҙәниәт баш ҡалала ғына тупланырға тейеш түгел. БР Мәҙәниәт министрлығының бурысы — республикала берҙәм мәҙәниәт майҙансығы булдырыу, һәм бейеү фестивале уның яңы ҙур программаһы пилот проекттарының береһе булып тора, — тип билдәләне министр.

темалар: фестивалдәр